Արամ Մանուկյանն արդեն կարողանում է կաղալով մի քիչ քայլել. Փաստաբան

«Սասնա ծռեր» խմբի անդամ, «Դատապարտյալների հիվանդանոց» ՔԿՀ-ում գտնվող Արամ Մանուկյանն արդեն կարողանում է առանց հենակների որոշ չափով քայլել: Այս մասին այսօր` դեկտեմբերի 18-ին,  NEWS.am-ը տեղեկացավ նրա շահերի պաշտպան Հարություն Բաղդասարյանից:

Փաստաբանն իր ֆեյսբուքյան էջում գրել է. «Արամ Մանուկյանը արդեն կարողանում է կաղալով մի քիչ քայլել՝ առանց հենակների»:

Հիշեցնենք, որ Պավլիկ Մանուկյանն ու իր որդին հուլիսի 27-ին ոտքի հրազենային վիրավորում են ստացել ՊՊԾ գնդի տարածքում։ Նրանց մեղադրանք է առաջադրվել ՀՀ ՔՕ 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել)։